لجنة التحقيقات (المحكمه الرياضيه)

اولاً انا بتأسف لو كان بدر من أي خطأ في اي شخص

ثانياً: النكته

الأمريكان والروس بيترسموا على بعض الأمريكان يقولوا أحنا أول ناس طلعنا القمر والروس يقولوا لا أحنا أول ناس طلعنا القمر تايه كان واقف أضايق أوى قالهم أنتوا لما طلعتوا القمر لقيتوا هناك إيه قالوله طوب ورمل وزلط قالهم أحنا اللي مطالعينه.

انا مش عارف ايه اللى هيتم دلوقتى .... يعنى اشتم واقول بعدها نكته وبكدا ابقى حليت مشكلتى لو كدا انا مش عندى اكتر من النكت ومتمسك بحقى واجراء تحقيق ودا اقل حق من حقوقى

Ehmed كتب:

معلش يا كابتن سولى انا كتبت هنا تانى علشان دورت على التحقيقات دا ومش لقيت مكانو وكان لازم ارد على اللى اتقال دا


اولا .... البطولات معموله علشان الناس تتعرف على بعض مش علشان تشتم بعض ولا تتخانق مع بعض
وبالنسبه للتعليق على اللى هو قالو

على اولا .... الكلام دا حصل منك اكتر من مرة وبصراحه شم فاكر مع مين بالظبط بس انت ممكن تسأل dodo hala لانه كان فى البطوله الاولى المساعه ورئيس لجنه التحكيم ودا للعلم بالشىء فقط

على ثالثا ....معتقدش ان اليمين يفرق عن الشمال اوى كدا علشان دا يكون سبب فى موافقتك وانا زى ما قلت ان دى حاجه كويسه منك ومقلتش حاجه غلط

على رابعا .... انا مش شايف انها هتفرق من ملعب والتانى اى حاجه زى ما انت عاوز واللى خلانى اقول كدا ان الشوط التانى اللى انت طلبت تلعب فيه على ملعبك دا خرجت خسران مش فارقه فى الدقيقه الاولى ولا الاخيرة وعلشان كدا كان قصدى ان الملعب مش عمل معاك حاجه وكان قصدى انها مش بتفرق وخلاص مش حاجه تانيه بس انت اللى عاوز تفهم غلط شكلك


على خامسا .... معتقدش ان الفرص كانت ضايعه من انت بس انا كمان كانت ليا فرص كتير ضايعه ومش معنى انى لما اكون خارج من ماتش خسران وحتى لو انا كنت ماسك الماتش واللى قدامى معملش غير هجمه وكيب منها انى اشتم و .......... دا طبعا مش منطقى وحلوة انا خرجت علشان متنرفزش عليه اكتر دى .... كنت عاوز تقول ايه اكتر من كدا وانت بتقول انا قلتلو كدا علشان ميزودش ... معتقدش ان دا طريقه ناس محترمه فى الكلام مهما كان اللى حصل


بالنسبه لكلمه البجاحه ... انا شايف ان البجاحه ان الواحد يكون متاكد انو غلطان ويقاوح ويتكلم كمان ويقول حجج علشان الكل يسقفلو وكمان انا المرة اللى اتدخلت فيها علشان اللى كان بيلاعبو هو اللى قالى حصل كذا كذا وياريت تقولى اعمل ايه ويعلم الله انى قلتلو قول ل سولى انا مليش فيه بس هو قالى اكتب رأيك عن الموضوع دا علشان سولى لما ييجى يعرف ان كان فيه شهود وانك مش ترجع تقول محصلش وكدا وممكن تتأكد بنفسك يا سولى وانا ممكن اشمت فيك وادخل اقول دا يستحق يخسر وكلام من دا لو انت قريب منى فى النقط ولا كلام من دا وخايف انك تجيبنى لكن دا مش اللى فى الواقع وانت عارف كويس انت كسبت الكاس اللى انت فرحان بيه دا ازاى ولو مش فاكر ممكن اقولك وأسالو كيمو هو يعرف اللى فيها بردو بس علشان عادى ومش بحب المشاكل ومش همشى اعلق على رقبتى انى خن بطوله ف مش فارقه معايا


وبالنسبه ل كلمه لا تعليق انا و samer207 كنا جربنا كتير والماتش اتحسب انى منسحب ولما قلتلو قال نلعب ماتى مش عيط على كام نقطه وهو دا قصدى ان دا العشم ودى هى الروح الرياضيه وانو مش جاى يتخانق مش زى ما بقلك انت اللى بتحب تفهم غلط
كفايه كدا كلام فى الموضوع دا وياريت يبقى حد يقولى مكان التحقيقات دا
ولك الله يا مصر

اولاً البطولات معموله عشان الناس تتعرف على بعض صح كلامك لكن لو محصلش تعارف يبقى الهزار المبالغ فيه مش مسموح بيه

ثانياً: إن كنت انا عامل مشكله مع حد او مش عامل انت إيه علقتك بالموضوع ده انت بس حابب تقوى موقفك بإنك تبرر إن حصلي مشكله مع حد تاني - أسلوب سخيف و ضعيف-

ثالثاً: انت بتقول ان عندك اليمين من الشمال مش هتفرق لكن ده هو السبب عشان وافقت انت هوست مش عشان اي سبب تاني

رابعاً: انت بتقول إن مش هتفرق و طبعاً بتهرج - انت مواعد حد هناك- انا طلبت إني العب على ملعبي و ده حقي و انت كسبت و ده حقك لكن مش من حقك تهرج معايا و انا سبق و قلتلك إني مش بهرج معاك

خامساً : انا سبق و قلتلك إني مش بهرج معاك قبل الشوط التاني بعد الماتش انت بردوا هرجت طب انا طلبت منك بالذوق انت بردوا تماديت و ده اثارني إني أقول كده لإن الذوق منفعش معاك و ده لحظة غضب

سادساً: انت بتقول ان البجاحه إني اخش اقاوح و انا غلطان و انت منين حكمت إني غلطان و اني داخل اقول حجج و الناس تسقفلي - من اين لك بهذا الكلام- تسقفلي ههههههههه انا برد بالحجه لإبطال كلامك المش صحيح مش اكتر

سابعاً: انت بتقول إني فاكر و لا مش فاكر كسبت الكأس ال أنا فرحان بيه إزاي و علقت في رقبتي إني اخدته

انت شايفني كلب قدامك؟؟؟ ده مجرد بس عشان انت زعلان اني خرجتك من قبل النهائي عشان كده بتحاول تجيب اي كلام من اي حته - نفس الأسلوب التكلمنا عليه مسبقاً السخيف الضعيف-

شكراً يا كابتن سولي و ارجو وقف هذا الأسلوب في الحوار و انا كنت قد تأسفت مسبقا عن اي شئ بدر مني

و شكراً

Ehmed كتب:

انا مش عارف ايه اللى هيتم دلوقتى .... يعنى اشتم واقول بعدها نكته وبكدا ابقى حليت مشكلتى لو كدا انا مش عندى اكتر من النكت ومتمسك بحقى واجراء تحقيق ودا اقل حق من حقوقى

لا تعليق و شكراً يا كابتن سولي

Dr.AmR AHLY كتب:

Ehmed كتب:

انا مش عارف ايه اللى هيتم دلوقتى .... يعنى اشتم واقول بعدها نكته وبكدا ابقى حليت مشكلتى لو كدا انا مش عندى اكتر من النكت ومتمسك بحقى واجراء تحقيق ودا اقل حق من حقوقى

لا تعليق و شكراً يا كابتن سولي

لا تعليق على ايه انت مش لاقى حاجه تقولها انا شايف ان دا من حقوقى انا مش داخل اتشتم انا داخل العب ومعتقدش ان اى حد يهرج مع حد انو يتشتم وهاتلى كدا اى حد من اللى فى البطوله اعرفو اكيد مفيش بس زى ما انا مش اعرفهم انا بردو بهرج معاهم وزى بردو ما مفيش بردو مفيش واحد فيهم بيخرج محروق من الخسارة زيك

وبالنسبه للاسلوب اللى انت مسميه ضعيف يا بيه يا محترم لو فيه حاجه مسروقه من واحد اول واحد بيكون متهم هو المعروف انو حرامى وانا كان كل قصدى ان مشاكلك كترت ودا معناه انك فيك حاجه غلط اكيد مش كل اللى بتعمل مشاكل معاهم ...مش المفروض اصدق انك انت اللى صح والكل غلط غير منطقى بالمرة


وبالنسبه لموضوع الكاس اللى انت عارف انت خته ازاى انت اكيد عارف خدته ازاى بس دا مش موضوعنا اكيد بس لو انت عاوز تفتحه انا معنديش اى مانع بس ياريت مش الاقيك بتكدبنى اولا فى موضوع الكاس ماتشى انا وانت الاولانى كان مكسب ليك و فى الماتش التانى قلتلى على ارضى وانت لازم تضيفنى وقلتلك هتكون بطيئه قلتلى دا حقى بس يالا نجرب ودخلنا وانا كنت خسران الماتش الاول فرق 2 على ارضى يعنى محتاج اى جون و فى اول هجمه جبت جون وبعديها قطعت اوى اوى اوى خرجت وقلتلك انا اللى هوست اللعبه بطيئه قمت سعدتك قلت لو عاوزة على ارضك مش هنحسب الجون ... انهى عقل يوافق على كدا ولما وافقتك علشان مش طالبه طفوله وعياط اكتر من كدا انا كسبت الماتش التانى بفرق جون واحد بس يعنى لو كان اتحسب كنت انت بره ياريت تفتكر كويس وعلشان انا مش بخرج اعيط زى ناس واقول انا مليش دعوة انا كان ليا جول وانت قلت مش يتحسب واعيط مهتمتش علشان مش همشى فرحان واقول انا خدت بطوله وافرح اصحابى واعمل حفله والكلام دا .... ومش عارف انت فرحان اساسا ازاى وات عارف خدتها ازاى ولو عاوز اكتر فى الاجنده كتير و كتير بس مين يعد ومين يحاسب حظك ان اى مشكله كانت بتحصل كان اللى بتعمل المشكله معاه بيسامح لكن انها توصل معايا لشتيمه انا دا اللى مش هوافق عليه ولا اسمح بيه خالص

وارجو من سولى سرعه التحقيق علشان عاوز اعرف ايه اللى هيتم دلوقتى وحلوة منك لحظه غضب دى ما الواحد بيقتل وهو فى لحظه غضب معنى كدا انى اطبطب عليه واقولو معلش انا عارف انك كنت غضبان ولا المفروض ليه عقاب

ولك الله يا مصر

Eng.Soly كتب:

يا كابتن Ehmed

انا كلامى كان واضح

وارجو الصبر

انا هدفى الاول و الاخير ازالة اى خلاف

واللى غلط فى عقاب

وحقك مضمون

بس ارجو شويت تعاون

عموما القرار النهائى ان شاء الله يوم الجمعه

وارجو انى مسمعش كلام تانى من اى حد الا لو كانت نكته

والله الموفق

تحت امرك ياباشا وفى انتظار القرار

انت شايف يا باشا ان دا عدل

اولا انا يتخصم منى 3 نقط ليه
ثانيا انت شايف انه من الكافى 9 نقط ليه بس
وشكرا

شكراً على قمة العدل و إن كان غير كافي في رأي الأخرين

و إن كنت احبذ ان تكون 6 نقاط بدل من 3 او 9